移民係一個人生大 project，移民前及移民後都有好多野要處理。喺移民前，有一樣嘢建議大家可以喺香港做咗先，呢樣就係 ECCTIS 認證喇。ECCTIS提供兩個好重要認證嘅服務，分別就係The Statement of Comparability 及 Visas and Nationality Services。今日塵氏會同大家分享乜嘢係 ECCTIS 認證，大家點樣透過 The Statement of Comparability 服務，將香港學歷對應英國同等學歷。
ECCTIS 背景
ECCTIS 全名為 Education Counseling and Credit Transfer Information Service，係英國嘅 ECCTIS 前身為United Kingdom National Academic Recognition Information Centre (“UK NARIC”)。由於英國脫歐，所以 UK NARIC 都改咗名。ECCTIS 總部位於英國，係一個英國官方認可學歷認證機構，現時為全球62個國家提供第三方國際教育、培訓、技能以及全球學歷認證服務。
The Statement of Comparability 服務
The Statement of Comparability 可以將非英國獲取嘅學歷、專業資格及公開考試 (例如DSE / HKCEE / HKAL etc)，透過與英國教育體系、英國學歷及框架水平進行對比，將其認證做英國對等嘅學歷，見工嘅時候，出示返 ECCTIS 嘅文件，對方就可以清楚知道你嘅學歷有幾高，方便大家搵工 。
但大家要留意一黠，The Statement of Comparability 只會與框架水平進行對比，並不會每科提供等級對比。以香港會考為例，ECCTIS 只會列出以下句子：
GCSE Maths equivalent: ☑
GCSE English equivalent: ☑
申請時所需文件
申請 The Statement of Comparability 前，大家要準備以下文件嘅英文版 soft copy:
- 大學畢業證書
- Transcript
- 公開考試成績
申請費用
係英國境內，申請The Statement of Comparability 嘅基本費用係£49.5 + 20%VAT。
如果大家係香港申請，就可以慳返 VAT，£49.5 就得。
申請步驟
準備好所需文件後，大家就可以按照以下步驟申請
1) 首先去以下 ECCTIS 網頁，揀返 Services for individuals開 account ：
https://www.ecctis.com/signup.aspx
2) 輸入個人基本資料
3) 去自己個 email box，然後 activate 個 account
4) login account 之後，大家揀 Start your application
5) 去 Visa and Nationality service 個欄，揀 Add Statement of Comparability Service，佢有Standard (10-15 working day) / 48小時特快 / 24小時特快，越快處理就要加越多嘅錢，Standard 就唔使加錢，大家按自己需要揀就得，揀好就 Add 相關嘅 service
6) Add 左呢個服務之後，拉到最底，再撳 Next
7) 之後就撳 Add Qualification
8) 大家就入返自己嘅學歷，唔止大學學歷，就連DSC / HKAL / HKCEE 都加得㗎，你加幾多 Qualification 都好，價錢都係一樣，所以塵氏建議大家加埋公開考試成績表
9) Add 晒大家嘅 qualification 之後就撳 Next
10) 再揀 Add Document，去返有開學歷，upload 返相對應嘅 Transcript / Certificate 文件，之後撳 confirm
11) State 見到有剔號，就可撳 Next
12) 入返大家嘅聯絡電話同郵寄地址等資料，同埋Check 清楚自己個名同出世日期有無錯，再撳 Next
13) 揀以咩方式收個認證，再撳Next
14) View 同埋 accept 佢個 Terms and conditions
15) 網上俾錢
16) 攪掂~ 等收認證
總結
塵氏鼓勵大家喺出發英國前就好申請 ECCTIS 認證，因為 deliver address 係香港嘅話，可以唔使俾郵費同申請費嘅 20% VAT，坐底都慳返£10 以上。而且香港申請，又可以方便同大學聯絡，以便補領唔見咗嘅文件。關於 ECCTIS 另一個服務 Visas and Nationality Services，大家可以參閱塵氏另一篇文章 – ECCTIS申請攻略 (2) – 如何以大學學歷豁免英國永居英文試?
如果你鍾意塵氏嘅分享嘅話同埋想知道更多移民資訊，就要繼續留意塵氏Blog，順便Follow塵氏Facebook 專頁，再share 埋比身邊嘅朋友仔啦~
（以上資料只供參考，一切以官方網頁為準）
40 comments
Thanks for Sharing. 請問如果HKCEE成績有D科目係0分, 係咪唔會顯示出嚟? 如果成績唔好, 其實係咪唔洗做?
但我後來用其他途徑完成咗副學士, 係咪淨係做副學士認證都OK呢? 謝謝!
The Statement of Comparability 只會同個考試框架水平進行對比，唔會顯示會考各科嘅詳細成績，而英文同數學科就會用以下形式表達: GCSE Maths equivalent: ☑ GCSE English equivalent: ☑。
如果考獲副學士，大家可以按自己需要而淨係幫副學士認證，而唔提交會考成績。
你好我都想問我考問成績都差,有D有E咁…..但後來有讀到學士學位同HD,想問咁樣其實係咪都唔想要會考學歷認證,淨話認証學位和HD算了?
Hello，其實 The Statement of Comparability 只會同個框架水平進行對比，唔會同公開試成績逐科提供等級對比。以香港會考為例，ECCTIS 只會列出以下句子：GCSE Maths equivalent: ☑, GCSE English equivalent: ☑，基本上都只係會睇呢兩科。至於加唔加埋公開試成績落去做認證，呢個就真係個人選擇了。
你好! 咁係咪即係，會考考左八科，但The statement of Comparability 都只係會出GCSE Maths & GCSE English equivalent 呢兩科咋？另外如果有其他科目肥左，如physics fail, 又會唔會顯示肥左/ 唔出GCSE equivalent 呢？ 謝謝！
Hello，以我所知，係
請問upload document 個part可唔可以加埋IELTS Academic上去，佢接唔接受?
因為 upload 幾多份文件，ECCTIS 都係只收一個價錢去做認證，無限制 upload 文件嘅數量，所以照 upload IELTS Academic 都無壞。
但ECCTIS 唔係份份文件都可以做到 assessment， IELTS Academic 可唔可以直接對應英國嘅學歷框架，就暫時未見有人試過。
試左ielts唔得，只會拖延申請程序。
係呀，IELTE 係唔可以用黎申請 The Statement of Comparability。
請問知唔知我喺HK個Top-up degree係英國大學, 仲需唔需要做此認證呢？
如果畢業證書係由英國大學發出，咁就唔使認證
感謝回覆!!! 萬幸當年亂報野雞大學揀咗間英國, 哈哈~
你好。請問Statement of Comparability有冇話係申請某一類工作用途? 定係generally在英國搵工都可以用到? 因為我開account時見佢問我想申請咩工種 (e.g. Health Care, Admin/Business之類)。有冇時效定係永久適用? Thanks!
Hello, Statement of Comparability 係將非英國學歷對應返做英國同等學歷，無話某一工種先用到，張 Statement 亦無 expiry date。
Hello，我想問如果申請2個DEGREE學歷、HKCEE及HKAL 共4項認證，
Statement of Comparability既報告是會分開4個報告獨立出，定係一份報告寫晒甘多項?
THANKS !
會同一張 Statement 出晒全部你提供嘅學歷
Hello, 請問澳洲大學畢業證書和成績單是澳洲大學發出,需要認證嗎？謝謝！
Hello
1) The Statement of Comparability – 因為唔係英國學歷，如果想將澳洲學歷對應返英國學歷嘅話，都要申請 The Statement of Comparability;
2) Visas and Nationality Services – 如果你持有澳洲公民身份，咁就可以唔申請Visas and Nationality Services 嘅情況下，輍免申請英國永居時嘅英文試。如果只持有澳洲大學畢業證書，都要透過申請 Visas and Nationality Services，以輍免申請英國永居時嘅英文試
想問畢業證書是否一定要upload 埋transcript?
要同時 upload 畢業證書同 transcript，詳情可參閱: https://enic.org.uk/Qualifications/SOC/Default.aspx
多謝你既回覆
想問下點解我揀完Nationality同Immigration Tier/Route （兩個都係BNO）之後， 佢話From the options selected for nationality, immigration tier and/or route, you do not need the Ecctis Visa and Nationality services， 唔俾我繼續apply既?
Visa and Nationality Services，大家應該揀，大家記得揀 Family (including Spouse),ILR and Citizenship。詳情可以參閱塵氏另一篇分享 – https://chansleeds.com/ecctis-visas-and-nationality-services/ -> Step 8
我UPLOAD到一半文件先睇到呢個CM, 我都係揀左兩個BNO 都出左呢句From the options selected for nationality, immigration tier and/or route, you do not need the Ecctis Visa and Nationality services，,但我繼續入到資料,.. 唔知後面有無得改?
申請The Statement of Comparability 同埋 Visas and Nationality Services 以大學學位豁免英國永居英文試 係咪要分開兩個申請?
如果入錯野要改，可以 login 返個 account，然後搵 customer services 改。如果你未俾錢嘅話，可以直接開個新 account，由頭填申請過。
The Statement of Comparability 同 Visas and Nationality Services 係兩樣唔同嘅野，要各自獨立申請。如果你想用 degree 黎免考英文試，只申請Visas and Nationality Services就得。如果你只想將非英國學歷對應英國學歷，咁就申請The Statement of Comparability就得。
謝謝你, 我去到俾錢前果步(入完地址)就可以delete 番呢個application 然後再開個新既, 謝謝你回覆! 🙂
如果只持有澳洲大學畢業證書，申請 Visas and Nationality Services，以輍免申請英國永居時嘅英文試. 是否都要提供MOI 文件,有聽聞澳洲不用提供,是否選擇skip?
以我理解，因為澳洲係英國指定 majority English-speaking country 之一，澳洲嘅大學唔使提供 MOI
Thank you.
我想confirm 我有冇選錯
我選了Family (including Spouse),ILR and Citizenship 之後仲有幾個選項, 如果我主要申報目的係括免ILR個英文試
係咪選 Visas and Nationality Service (English Proficiency) 就可以?
And I received a reply from ECCTIS as following , hope can help you and your following 😀
——————————————————————————
A Medium of Instruction letter is only required if your degree was awarded by, or studied in, a non-majority English-speaking country.
If you studied your degree in Australia, and it was awarded by an Australian University, then a Medium of Instruction letter will not be required.
I hope this information is of assistance to you. If you have any further queries please do not hesitate to contact us.
Kind Regards,
Received: 20 July 2023 14:54
謝謝你嘅 message，相信呢個資訊對係外國大學畢業嘅人好有用。
答返你個問題先，無錯，你揀 Visas and Nationality Service (English Proficiency) 就得。
你好呀
請問如果我喺澳洲大學畢業
如果按照GOV UK官網咁講
If your degree is not from a UK university you’ll need:
a copy of your degree certificate
an Academic Qualification Level Statement (AQUALS) from Ecctis (formerly UK NARIC) confirming the degree is equivalent to a UK qualification.
If your degree is from a non-majority English-speaking country you’ll also need an English Language Proficiency Statement (ELPS) from Ecctis confirming the degree was taught in English.
咁我到底要唔要去問學校攞MOI? 同埋我到底係要申請Academic Qualification Level Statement (AQUALS)，定係連English Language Proficiency Statement (ELPS)都要申請埋? 因為我榲左成個page佢都冇list明咩國家先算majority English-speaking country
Thank you
一般黎講，Visa and Nationality 會做兩樣野Academic Qualification Level Statement (AQUALS) 同
English Language Proficiency Statement (ELPS)，所以香港嘅大學畢業生會收到兩張 Statement。
如果個 degree 由英文為主要言語嘅國家發出 (例如美國澳洲)，咁ECCTIS 只會做 AQUALS，
所以呢類申請人只會收到一張 Statement。
majority English-speaking country 列表可以參閱以下 file (Page13)，澳洲係其中之一。
https://assets.publishing.service.gov.uk/government/uploads/system/uploads/attachment_data/file/1120008/Knowledge_of_language_and_life_in_UK.pdf
關於 majority English-speaking country 大學嘅畢業生，可以點樣豁免考英文試，可以參閱上面個 file (page19)，
呢類人士要提供大學畢業證書 + ECCTIS 發出嘅 AQUALS (經 Visa and Nationality 取得 AQUALS)。
MOI 方面，因為澳洲係majority English-speaking country，申請Visa and Nationality 時，ECCTIS 唔需要發出 ELPS，
所以應該唔使提供 MOI。(https://www.ecctis.com/visasandnationality)
你好
想請問係咪所有證書都需時附加埋成績表先可以認證？ 因為有啲歷史久遠既證書已遺失成績表手上只有大學學位的成績表和HKCEE，但高級文憑果幾年的成績表就不見了。謝謝
Hello~ The Statement of Comparability 嘅話，提供畢業證書就可以，唔使提供每科成績。Upload 畢業證書嘅同時，你可以 upload 埋HKCEE/HKAL 成績單。
請問如果d cert係中英對照，使唔使再整英文soft copy?如要整，係點整？謝謝你
文件有英文就得
hi~想請問如果當年我係讀City University connect既英國大學, 申請 Visas and Nationality Services 要否一樣向Ecctis做認證來豁免申請英國永居時嘅英文試? 是否只是不用MOI 文件及transcript, 而只用大學畢業證書申請? (畢業證書只有英國大學名稱)
Hello，如果大學畢業證書係由英國大學發出，而張畢業證書基本上同係英國讀該大學發出嘅證書基本上一樣(可以係 google 圖片 search 下)，可以唔使申請 Visas and Nationality Services，申請永居時直接 upload 大學畢業證書就得。
想問，其實係咪收e version都已經足夠？英國政府之後會要check hard copy? Thanks.
相信你講緊 Visas and Nationality，申請永居時 upload soft copy 就得，所以 e version 已經 ok。