根據維基百科，“塵” 有大粒有細粒，係空氣中嘅一種固態懸浮物，會跟住空氣飛舞、停頓、降落，有時跟又會隨風吹起四散飛到好遠好遠。
塵氏，就係一家大小嘅塵，總數有3粒，兩粒大一粒小，即係塵生、塵太同埋小塵生。佢地喺由好遠好遠嘅香港，身不由己地隨風飄到好遠好遠嘅英國，飄過Manchester，飄過Sheffield ，飄過Nottingham，終於，飄到位於英格蘭北部嘅西約克郡Leeds，佢地停低左。塵氏於是喺Leeds 呢個城市開展佢地嘅冒險之旅。
歷險咗兩個月嘅冒險之後，塵氏好驚將來會唔記得左經歷過嘅嘢，又好想將自己嘅經歷分享比世界上嘅其他人，於是佢地開左個Facebook專頁，“塵氏英國列斯Leeds開荒記” 正式誕生。
原來，世界上有好多塵朋友都好對塵氏嘅歷險故事同塵氏身處嘅Leeds好有興趣㗎喎～ 為左令世界上更加多人見證到塵氏嘅歷險故事，特別係唔用Facebook嘅塵朋友，都可以搵到塵氏嘅故事，於是，chansleeds.com 呢個網頁就正式誕生。如果你都對塵氏嘅歷險故事有興趣，歡迎你 follow 我地嘅專頁同多D 上黎呢個 Blog。
塵氏背景：
塵生：八十後過期廢青
塵太：八十後過期廢青，曾於2021年代表＜塵氏英國列斯Leeds 開荒記 Facebook專頁＞於商業電台節目＜夢想家A Dream Homeland＞接受訪問。
小塵生：10後未來廢青
工作人員：
資訊擔當：塵生
文字擔當：塵太
技術擔當：塵生
外交擔當：塵太
追債擔當：小塵生
可愛擔當：小塵生