英國出名博物館多，每個博物館都有唔同嘅展品同主題，而皇家兵械庫記就收藏左世界上最重要嘅武器、盔甲、火砲及槍械等國家級收藏品，佢除左係英國國家博物館之一，仲更係全世界最大規模嘅兵器同盔甲博物館。皇家兵械庫喺英國擁有三個博物館，分別為位於倫敦嘅White Tower、位於列斯嘅 Royal Armouries Museum 及位於樸茨茅夫嘅 Fort Nelson。呢篇文章就塵氏介紹列斯著名景點之一皇家兵械庫博物館 Royal Armouries Museum 。
Royal Armouries Museum之歷史
位於列斯 LS10 1LT嘅皇家兵械庫博物館由建築師 Derek Walk 設計，總耗資達4250萬英鎊，用左兩年時間就建成，並於1996年3月30日開始向公眾開放，而家收藏左皇家兵械庫嘅大部分展品。皇家兵械庫博物館嘅建館目的除左展示國家級兵器同盔甲收藏品外，並希望通過戰鬥示範、現場表演、同電腦科技等途徑黎講述兵器同盔甲嘅發展。每年吸引約150 萬遊客到訪參觀。
Royal Armouries Museum之展覽廳
皇家兵械庫博物館共有五層，分有五個展廳，分別為War、Tournament、Hunting、Oriental 及 Self Defence，合共展出超過4500件收藏品。
War 展廳
主要介紹古代與中世紀戰役，以及 17 至 20 世紀嘅戰爭。
Tournament 展廳
展廳一共有兩層樓，主要展示中世紀騎士騎馬比武嘅裝備。
Hunting 展廳
主要展示人類以狩獵作為休閒運動嘅歷史。
Oriental 展廳
主要展示聚焦亞洲同土耳其鄂圖曼帝國嘅盔甲同埋武器。
Self Defence 展廳
主要展示人類關於自我防衛嘅武器。
中央鋼鐵大廳
除左上述五大展廳，皇家兵械庫博物館中央位置仲有一個鋼鐵大廳，展出各式各樣唔同嘅武器。大家可以係行樓梯前往博物館各樓層時，同一時間欣賞呢個鋼鐵大廳。
開放時間及費用
皇家兵械庫博物館逢星期一休館，星期二至星期日開放時間為上午十時至下午五時。
大家可以去以下網頁預訂入場券，入場費全免。
https://royalarmouries.org/venue/royal-armouries-museum
如果大家唔記得網上預訂入場券都唔緊要，博物館每日都有小時量 walk in 門票俾大家即埸進入博物館，一般黎講，每日下午兩點開始都比較小人，有興趣嘅朋友可以揀呢個時間入場參觀。
建議遊覽時間
兩小時
總結
皇家兵械庫博物館展出好多模型同有小遊戲俾小朋友玩。唔同時段喺二樓仲有真人表演～ 地下有餐廳同埋紀念品店。博物館有劍有槍，真係岩晒男仔睇，好值得帶小朋友黎行下見識下。
大家想睇多啲皇家兵械庫博物館嘅相，可以瀏覽以下塵氏 Facebook 專頁:
https://www.facebook.com/105655338597914/posts/139592405250766
如果你鍾意塵氏嘅分享同埋想知道更多移民資訊嘅話，歡迎Follow塵氏Facebook 專頁同埋share 我地嘅文章比身邊嘅朋友仔啦~
