最平保留香港手提電話號碼攻略

by 塵氏
57.3K views
保留香港手提電話號碼

呢篇文章想移民嘅大家一定要睇!!! 移民前其中一樣要準備嘅野就係要保留香港手提電話號碼,當然唔係留黎喺英國打電話用啦~ 係要留黎收 sms 啊~ 因為好多時候 login 香港網上銀行要收一次性密碼,login in IB 兌英磅又要收一次性密碼 (可參閱塵氏兌換英鎊攻略 https://chansleeds.com/currency-exchange/),所以 keep 住個電話號碼係好重要。睇完呢篇文章,大家就會得到一個最平嘅方法以接收 sms。

如何保留香港手提電話號碼接收香港 SMS

由於 whatsapp、signal 及 telegram 等應用程式已經可以打電話,香港嘅親友都可以用呢啲 app 打俾塵氏,所以塵氏只需保留香港號碼用黎收短訊 sms 。

塵生身為一條超級算死草,研究過市面眾多個電話 plan,終於俾佢搵到一個應該係全港最低價保留電話號碼嘅方法,塵生叫呢個做 “Club Sim 大法”。

Club Sim 計劃詳情

大家現有嘅電話 plan 一約滿就可以轉台去 Club Sim (https://www.clubsim.com.hk/)。Club Sim 唔使簽約,佢係收錢後先會提供服務。首先,大家一定要買一個 4G 42Mbps 嘅月費計劃,暫時最平係$88 (已包40GB 數據及無限本地通話分鐘),記得唔好揀自動增值功能,個 plan 有效為一個月,到期後,手提電話號碼就可以保留一年,唔使再俾任何錢都可以喺海外收到 sms。

保留香港手提電話號碼

咁一年後又點算呢?

只要係大家臨到一年期前,買 Club Sim 任何一個服務組合計劃,該服務計劃到期後一年內,有關嘅電話號碼都可以保留,塵生睇過,最平嘅係服務計劃只係$6 咋,咁就可以用$6 一年呢個價黎保留香港手提電話號碼收 sms。

六年總收費

好喇,咁如果想保留電話號碼六年又要幾多錢? 埋牙計數,首年$88,次年$6,用$94就可以收SMS 兩年,平均每年都只係$47。以BNO 5+1 黎計,$88+$6×5 = $118,$118 就可以保留電話號碼6年,平均每年都只係$19.67,呢個應該係全城最平嘅保留電話號碼方法。

如果係英國期間,用緊嘅香港電話服務供應商執左,咁都幾麻煩。用 Club Sim 有一個好處,就係佢係 CSL 旗下嘅公司,倒閉機會相對地比其他公司細。

開心 Share

塵氏已經用左呢個方法已經超過半年,次次都可以係十秒內就收到 sms ~ 如果你鍾意塵氏嘅分享同埋想知道更多移民資訊嘅話,歡迎 follow 塵氏Facebook 專頁同埋 share 我地嘅文章比身邊嘅朋友仔啦~


相關文章



You may also like

64 comments

Hong 17/09/2022 - 8:43 下午

Hello 請問仲work嗎? 邊度睇到佢冇續plan之後keep到一年?

Reply
塵氏 18/09/2022 - 8:14 上午

Hello~ 而家仲 work 呀,塵氏開心使用中。
官網有寫無買新嘅組合嘅話,365日後會停止該號碼。另外,我地都問左客戶服務,佢地 confirm 電話號碼無被停用嘅話,就算無買任何組合都可以收 sms。

https://www.clubsim.com.hk/zh/clubSim-tnc
14.5. 如你在任何服務組合到期後的365日內並未有重新申請任何服務組合,該Club Sim卡及本服務將會永久停止使用及有關之流動電話號碼將會分配予其他客戶而不會另行通知或作任何補償。

Reply
Louis Chan 27/06/2023 - 8:34 上午

塵生,您好。先多謝您分享如何用Club sim慳錢繼續收取香港嘅SMS。我和太太剛移居到英國不足2個月,目前仍有香港數x通手機電話合約以便繼續收重要SMS,請問在有合約情况下能否轉用Club sim服務?如何做?勞煩用以下email add回覆,多謝賜告。

Reply
塵氏 28/06/2023 - 6:44 下午

已用電郵回覆。

Reply
Matthew 13/09/2023 - 10:26 下午

塵生你好,我都有以上情況,已移英3個月但數X通仲未完約 (24年中先完約),用緊香港信用卡自動轉帳交月費,請問有冇咩解決方法可以轉去Club Sim?感謝!

塵氏 17/09/2023 - 10:07 上午

如果同數X通仲有約,轉去其他台嘅話,數xx會向客戶收罰款,至於幾錢,可以問返數xx。Club Sim 方面,現在服務供應商合約到期前 90 日,就可以同 Club Sim 申請轉去佢個台,你嘅情況,如果唔同數X通提前終止合約嘅話,要到2024年先可以轉去 club sim,關於轉台詳情,可以睇返 Club Sim 官網,佢地有個常見問題 (https://www.clubsim.com.hk/clsweb/faq?lang=zh_CN),入面有講。

Iris 22/07/2023 - 7:54 上午

Hi,請問6蚊嘅服務計劃係咪“短訊組合”?喺海外收發短訊要再收費嗎?

Reply
塵氏 22/07/2023 - 9:18 上午

Hi, 任何一個增值服務都得,只係而家最平嗰個係$6,而佢咁啱係短訊組合。係海外收 sms 唔使俾錢,但發出 sms 就要俾錢。

講多少少$6嗰個短訊組合,佢嘅出現係因為 club sim 有 plan 就只得通話服務,無 data兼且 send 唔到 sms,所以 club sim 先整左個增值服務叫短訊組合,俾呢類齋通話 plan 可以 send 埋 sms。
正如上面所講,要 keep 電話 number同收 sms,買任何一個增值服務都得,唔一定係短訊組合,只係短訊組合係最平就可以做到呢個效果

Reply
Hong 19/09/2022 - 1:24 上午

多謝!海外仲收到SMS真係屈機。

見到佢可隨時單方面終止合約不需另行通知多少有啲不安。
先發現原來簽約都係有好處的。

信你架啦。咁有冇辦法睇到個倒數限期?你自己計數 mark定?

另外我發現SoSim都平,最好仲係有大大個有效期係App首頁。有個plan可以48蚊買數據keep 180日,都可接受。

Reply
塵氏 19/09/2022 - 8:22 上午

佢無得倒數限期,但係個 Clubsim app 入面可以睇返交易記錄,見到自己邊日買過乜野服務組合。
塵氏只係分享自己保留號碼嘅方法,用邊個網絡供應商都好,最緊要係大家用得安心~

Reply
LL 07/10/2022 - 9:29 上午

Hello, 想問咁即係買左ClubSim, 英國到步開機乜都唔洗set就已經可以收到信號去收sms?

Reply
塵氏 07/10/2022 - 5:06 下午

係呀,係香港轉左台去 clubsim,之後乜都無攪就收到 sms

Reply
Cindy 08/10/2022 - 4:26 下午

想問一問,如果我係由 1010 月費plan 轉去Club Sim 58 HKD 月費PLAN, 即係我每個月都要俾58 蚊 加 6 蚊收sms 每個月 ?

Reply
塵氏 09/10/2022 - 8:21 上午

唔使,只有第一個月先要用 $58 個 plan,唔好 auto renew,12個月內買任何一個增值服務就可以 keep number 多12個月,最平嘅增值服務現時為 $6

Reply
OK 13/11/2022 - 4:34 下午

在首個 $58 Plan 完結, 至第 2 個 $6 Plan 生效之間的空窗期, 請問 Club SIM 卡會處於咩狀態呢?

正常狀態? 雖然不能打出及接聽, 但有來電時, 仍然會嚮機及顯示來電號碼。

停機狀態? 不能打出及接聽, 不會嚮機, 不會顯示來電號碼, 來電者會聽到”暫時停止服務”語音訊息。

Reply
塵氏 13/11/2022 - 9:14 下午

如果有人致電該香港號碼,會直接唔通。

Reply
OK 14/11/2022 - 7:55 上午

您好! 多謝回覆, 換言之, 在空窗期間, 只能收 SMS, 不會嚮機, 不會有來電顯示.

那麼, 在”$6 短訊組合”那 30日期間, 請問是否一樣不會嚮機, 不會有來電顯示呢? 謝謝!

Reply
塵氏 15/11/2022 - 7:44 下午

無錯,都係一樣會直接唔通,自己亦唔會知有人打過黎

Reply
Michael 17/06/2023 - 11:33 上午

請問如果係唔轉台嘅情況下,可以用到Club Sim嘅SMS服務嗎?例如有雙卡手機可以入多一張sim。

Reply
塵氏 17/06/2023 - 11:42 上午

唔轉台,即係開個新 number,呢個新 number 可以收到 sms,咁當然人地要 send sms 去你呢個新 number,你先會收到 message。

Reply
Jason 22/12/2022 - 4:56 下午

想問6元plan,收短訊會收每條3元費用嗎?或是免費

Reply
塵氏 22/12/2022 - 5:36 下午

收 sms 免費

Reply
him 15/01/2023 - 8:36 上午

想問下在空窗期間, 個電話號碼只能收 SMS, 咁係有wifi地方可以用到whatsapp ,signel?
另外去到英國係咪唔駛開漫遊同流動數據就可以收到sms? thx

Reply
塵氏 15/01/2023 - 2:19 下午

1) 無錯,可以照用到該電話號碼嘅 whatsapp, signal 及 telegram 等
2) 唔使開漫遊同流動數據,只要電話收到網絡供應商嘅訊號 (club sim 英國係用 O2 網絡) 就可以收到sms

Reply
Kylie 12/07/2023 - 11:52 下午

請問張卡係咪只寄香港?

Reply
塵氏 15/07/2023 - 1:24 下午

係呀,只寄香港

Reply
Linda 08/06/2023 - 6:41 上午

想問下咁係咪即係要有兩部手機,一部係用club sim卡,一部用當地sim card? 謝謝

Reply
塵氏 10/06/2023 - 9:33 上午

而家好多電話都可以同時插兩張或以上 sim card,所以唔使兩部電話都得

Reply
沛涵 04/02/2023 - 7:34 上午

文章很有用!謝謝你!

有一點想確認一下:
「首先,大家一定要買一個 4G 42Mbps 嘅月費計劃,暫時最平係$58 (已包20GB 數據及無限本地通話分鐘)」-我想確認 $58 包數據 20 GB 抑或 2 GB? 見過其他文章說 Club Sim 每月$58包數據 2 GB。 到底是 2GB 抑或是 20GB 呢?

謝謝!

Reply
塵氏 05/02/2023 - 12:57 下午

多謝你嘅支持!
之前Club Sim $58 係得2GB。13/12/2021開始,Club Sim 數據用量加到10GB。2022年數據用量再進一步加到20GB。
For your reference: https://www.clubsim.com.hk/zh/monthlyplan

Reply
Jack Lam 07/03/2023 - 2:01 下午

塵氏你好!
我見佢$6 短訊組合為期係30 日only
咁俾左$6 都係成年可以收sms?

Reply
塵氏 09/03/2023 - 5:37 下午

Hello~
其實大家買一個 4G 42Mbps 嘅月費計劃後,買 Club Sim 任何一個服務組合計劃(不只限於短訊組合),該服務計劃到期後一年內,有關嘅電話號碼都可以保留,以收 sms。
大家唔一定要買短訊組合,只係短訊組合係一個最平嘅服務組合計劃。

Reply
Ching 29/03/2023 - 4:43 上午

如果回港探親,係咪增值返58蚊,就可以打電話?

Reply
塵氏 30/03/2023 - 5:57 下午

無錯,到時買返有關嘅服務組合就得。如果齋打電話唔使用 data,現時最平係 $28,如果要埋 data,現時最平係 $58。

Reply
Lion 11/04/2024 - 8:47 上午

唔好意思,上網check過完全無你講個個$58計劃(用足一年),只見計劃一樣但要$88,係要每個月比錢個隻,同埋$498/1年(客服講),其實係我唔識揾定已經無左呢個plan?

Reply
塵氏 11/04/2024 - 7:51 下午

Hello,最近加咗價,$58加到 $88,內文早兩個星期已經 update 咗做 $88。但個方法都係一個,買一個 $88 plan (4.5G無合約,40GB),唔好揀自動增值功能。個 plan 有效為一個月,到期後,手提電話號碼就可以保留一年,唔使再俾任何錢都可以喺海外收到 sms。臨到一年期前,買 Club Sim 任何一個服務組合計劃,可以保留號碼多一年。

Reply
linda 26/04/2023 - 4:11 下午

請問Club sim 有冇esim?

Reply
塵氏 26/04/2023 - 6:11 下午

Clusb Sim 有 eSim,但唔係款款電話 model 都用到,詳情建議問返 club sim 客戶服務。

Reply
TT 15/05/2023 - 10:27 上午

你好我想問係香港用要voicemail係咪要另外加錢?

Reply
塵氏 16/05/2023 - 5:41 下午

club sim 並無留言信箱服務提供 (包括增值服務)

Reply
Patrick Ng 14/08/2023 - 12:13 上午

麈生,你好. 本人九月中會移居英國,現用緊csl電訊服務,合約至4/2024,請問現在可否申請club sim計劃,煩請用附上email add 講解有關程序。謝謝

Reply
塵氏 14/08/2023 - 11:30 上午

Hello,同 CSL仲有約,轉去其他台嘅話,CSL會向客戶收罰款,至於幾錢,可以問返CSL。Club Sim 方面,現在服務供應商合約到期前 90 日,就可以同 Club Sim 申請轉去佢個台,4/2024合約到期嘅話,而家唔可以轉到住。關於轉台詳情,可以睇返 Club Sim 官網,佢地有個常見問題 (https://www.clubsim.com.hk/clsweb/faq?lang=zh_CN),入面有講。Thanks.

Reply
Apple 14/08/2023 - 4:33 上午

塵生,您好。我目前仍有香港數xx手機電話合約, 請問在有合約情况下能否轉用Club sim服務?如何做?在英國收SMS是否要開漫遊數據? 麻煩用以下email 回覆,謝謝。

REPLY

Reply
塵氏 14/08/2023 - 11:28 上午

如果同數xx仲有約,轉去其他台嘅話,數xx會向客戶收罰款,至於幾錢,可以問返數xx。Club Sim 方面,現在服務供應商合約到期前 90 日,就可以同 Club Sim 申請轉去佢個台,關於轉台詳情,可以睇返 Club Sim 官網,佢地有個常見問題 (https://www.clubsim.com.hk/clsweb/faq?lang=zh_CN),入面有講。

另外,係英國收SMS唔使開漫遊數據。

Reply
邱生 22/08/2023 - 6:12 下午

我過幾天會轉台用clubsim,我只在第一個月比$58,是否在嚟緊的一年內,在海外都收到SMS?之後再俾$6 一次,keep 住個電話號碼,同時又可以在海外12個月收到SMS?
多謝你多多提点

Reply
塵氏 23/08/2023 - 7:37 下午

無錯,理解正確

Reply
SAM 27/08/2023 - 2:54 下午

請問塵氏,張卡係大陸可否正常收到香港SMS?

Reply
塵氏 27/08/2023 - 5:36 下午

以我所知,可以。收到訊號的地方就收到 sms

Reply
David 07/09/2023 - 5:26 上午

請問如果我想攜號轉台到club sim ,但我本人不在香港,身在海外。我可否收到sim card後,托朋友拿來給我,之後在海外activate 張 sim card?

Reply
塵氏 09/09/2023 - 10:29 上午

可以,張 sim card 卡套背面有個 QR code,主要係靠經 club sim app scan 個 QR code 就可以啟用張 sim card。

Reply
Stephanie 11/09/2023 - 7:39 上午

請問完左第一個$58合約後, 還有一個月才離港可再續? 要完約前多少日續? 跟住再完約後購買$6/30days數據組合便可以在英國當地收香港發過來的SMS?
佢寫$6/30days數據組合, 是否第二個月也要繼續? 那一年便要HKD$72? 五年=HKD360? 這樣理解是否正確.
謝謝你

Reply
塵氏 13/09/2023 - 8:53 上午

1) 可以再續,其實佢無合約,你可以 set auto renew,咁完咗第一個月會自動扣錢extend 多一倨月,到你準備離港個陣,你可以取消返個 auto renew。
2) 只要大家買 Club Sim 任何一個服務組合計劃,該服務計劃到期後一年內,有關嘅電話號碼都可以保留,由於一開始你已經買咗 $58 plan,所以隨後一年唔使再買任何組合都可以係英國收香港發過來嘅 sms
3) 首年$58,次年$6 (最平嘅係服務計劃只係$6),以BNO 5+1 黎計,$58+$6×5 = $98,$98就可以保留電話號碼6年,

Reply
SK 17/10/2023 - 10:01 上午

你好!請問我在哪裏可以買到這張卡或者有沒有門市可以買到的?因我過幾天回港幾個星期,想開一個合約將來收短信用,謝謝你的資訊!

Reply
塵氏 17/10/2023 - 5:57 下午

Hello,你可以 download club sim apps,之後經 apps 申請轉台,之後張 sim card 就會寄俾你。
關於轉台詳情,可以睇返 Club Sim 官網,佢地有個常見問題 (https://www.clubsim.com.hk/clsweb/faq?lang=zh_CN)

Reply
Margaret 27/12/2023 - 10:35 下午

可唔可以一開始就淨係買短訊服務組合? T&C 有講基本月費$6,有效期為一個月, 即係我第2個月仍然要俾$6?

Reply
塵氏 29/12/2023 - 12:34 下午

唔可以。$6嗰個短訊組合,佢嘅出現係因為 club sim 有 plan 就只得通話服務,無 data兼且 send 唔到 sms,所以 club sim 先整左個增值服務叫短訊組合,俾呢類齋通話 plan 可以 send 埋 sms。
要 keep 電話 number同收 sms,新客戶一定要一開始買一個 4G 42Mbps 嘅月費計劃先,臨到一年個陣,先買任何一個增值服務,以保留電話多一年。其實買任何一個增值服務都得,唔一定係短訊組合,只係短訊組合係最平就可以做到呢個效果。

Reply
janet 22/01/2024 - 8:25 上午

你好呀,我打去club sim客服問,佢話我要買咗張儲值卡用咗一個月之後先可以申請携號轉台,唔係好明白,我本身合約到2024/02/19,請問我係咪喺apps入面申請咗個58蚊月費計劃先,然後收到sim卡有電話號碼,用咗一個月就申請携號轉台?請指教‍♂️‍♂️

Reply
塵氏 23/01/2024 - 7:42 上午

Hello,我之前直接用 apps 就可以帶 number 轉去 club sim,唔使等一個月。club sim 官方 YouTube – https://www.youtube.com/watch?v=N1u_fR_17m0。Comments 入面都有人話 CS 亂答野,個 apps 寫明 MNP (即係流動電話號碼可攜服務)唔使等一個月。

Reply
Janet 23/01/2024 - 8:41 上午

你講得啱1,CS亂答,我搞掂喇,多謝你嘅分享同回覆

Reply
塵氏 24/01/2024 - 7:30 上午

唔使客氣,最緊要攪掂~

Reply
meow222 13/04/2024 - 11:06 下午

唔好意思想請問下,即係第一次我先買88蚊plan,到期之後,號碼可以keep一年,係呢一年就到期時,我揀最平嘅6蚊短訊服務,咁個號碼又可以keep一年,係咪咁嘅意思?
咁到第三年,我要重新買一次88蚊plan,定繼續買番6蚊短訊服務就得?

Reply
塵氏 14/04/2024 - 11:03 上午

你啱呀,到第三年,都係買任何一個增值服務就得,唔使再買多次 $88 plan。

Reply
hahayu 14/04/2024 - 7:53 上午

咁請問第3年係咪要重新買一次個$88plan?
即係佢一次$88plan+$6短訊淨係for2年

Reply
塵氏 14/04/2024 - 11:01 上午

唔需再買多次$88 plan。首次買$88plan,可以保留號碼一年。到滿一年前買任何一個增值服務,可以保留號碼多一年,現時黎講,最平個增值服務係 $6,只係咁啱呢個增值服務叫短訊組合。第三年一樣,買任何一個增值服務 (唔需要再買$88 plan),就可以保留號碼多一年,如此類此。

Reply

Leave a Comment