塵氏之前同大家分享過點樣可以以低成本keep 住香港手提電話no.收 sms (https://chansleeds.com/keep-hk-tel-number/)。但人在英國，如果香港真係有急事要處理，必須打俾香港嘅固網電話咁點搞？ 點樣係英國可以打長途電話返香港先最抵? 答案就係 Lebara 啦~ 大家睇完呢篇文章，大家就會知道可以用咩打返香港固網同佢嘅收費係幾多~
Lebara 介紹
Lebara 係一間虛擬電信商，係英國不設門市，佢哋用 Vodafone 網絡，有5G，可以唔使簽約，唔鍾意可以隨時走人。如果選擇簽12個月約，除左唔使做 credit check，仲有9 折優惠。佢地有好多計劃選擇，每30日費用由£5 到 £30 都有，大家可以根據自己需要選擇計劃。
Lebara 免費長途電話包括之地區
重點黎喇， Lebara 每個 plan 都有一定數量嘅分鐘俾大家免費打去41 個國家/地區，香港就係其中之一。每30日最少嘅免費長途電話通話時間都有100分鐘，夠晒你打返去處理香港嘅急事。如果大家有需要每日都打俾香港嘅家人，佢地仲有提供無限分鐘長途電話服務嘅plan，價錢都由係£15起。塵氏都係靠Lebara打返香港固網電話，處理瑣碎事務。提供免費長途電話分鐘呢個係 Lebara 一大優點，香港朋友最常到埗前申請嘅Giffgaff就無提供呢個免費打長途電話嘅服務。
可致電之免費長途電話國家/地區如下:
點申請 Lebara?
大家只需要上Lebara官網，開返個申請account 入返啲基本資料，Lebara 就好快就會寄比你，塵氏今日申請，聽日就收到 sim card。不過大家要留意，Lebara 只可以寄去英國地址，唔可以寄去香港地址。如果大家鍾意塵氏嘅分享，記得用埋呢條 referral link 登記 ～咁新客戶首3個月可以有半價優惠。
開心分享
如果你鍾意塵氏嘅分享嘅話同埋想知道更多移民資訊，歡迎Follow塵氏Facebook 專頁同埋share 比身邊嘅朋友仔啦~
（以上資料只供參考，一切以官方網頁為準）
