如何透過 ECCTIS Visas and Nationality Services 以大學學位豁免英國永居英文試?

by 塵氏
33.1K views
Visas and Nationality Services

ECCTIS 除左可以將香港學歷對應英國同等學歷,佢仲有一個非常有用嘅服務 — Visas and Nationality Services,大家可以利用大學 degree 或以上嘅學歷豁免英國申請永居嘅英文試,又可以順手將香港獲取嘅大學學歷做埋認證。呢篇文章會同大家分享點樣透過申請該服務,同埋申請前有咩文件要預備。

Visas and Nationality Services 服務

呢個服務可以將申請者擁有嘅大學學士或以上嘅學歷,轄免左申請永久居留時要求大家考嘅英文試兼且同你個係香港獲取嘅大學或以上學歷做埋認證,一雞兩味,但留意一點,佢認證唔到公開試考試。

申請時所需文件

申請前,大家要準備以下文件嘅英文版 soft copy:

  • 大學畢業證書
  • Transcript
  • Medium of Instruction Letter (一般都係用大學出嘅Testimonial)

Medium of Instruction Letter

其實 ECCTIS 個邊都係想要大學 official 話俾佢知,你讀既科係英文教,要證明呢點,就要大學方面出封 Medium of Instruction Letter,大家可以要求大學以 Testimonial 形式出信,只要大學肯寫 “English is the medium of instruction and assessment at the University” 呢句,咁就掂喇~

以下為香港各大學申請 Testimonial 嘅方法:

香港大學
http://www.ase.hku.hk/asoffice/

香港中文大學
https://www.gs.cuhk.edu.hk/page/requestofficialdocuments

香港科技大學
https://registry.hkust.edu.hk/resource-library/proof-english-medium-instruction

最近有科大畢業生表示,校務處要畢業生申請award certification letter 以取得Medium of Instruction Letter,申請網址如下:
https://registry.hkust.edu.hk/resource-library/award-certification-letter-graduates

香港理工大學
https://www.polyu.edu.hk/ar/graduates/application-forms/

香港浸會大學
https://ar.hkbu.edu.hk/student-services/student-record/testimonial

香港城市大學
https://www.cityu.edu.hk/arro/scrv/scrv_main.htm

香港嶺南大學
https://www.ln.edu.hk/cht/reg/forms-for-registry-services/testimonial/

香港恆生大學
https://registry.hsu.edu.hk/graduates/graduate-services/

香港教育大學
https://banner.eduhk.hk/BAN9PRD/!szkoaad.p_login_page

香港樹仁大學
https://www.hksyu.edu/en/student-resources/forms/

香港都會大學(前身為香港公開大學)
https://www.hkmu.edu.hk/REG/reg_rec/forms/g-cl.pdf

Remarks: 有網友報料,香港都會大學畢業生應該申請certification of award,而唔係testimonial,份form有一個選項 “學銜的教學語言 Medium of instruction of the award”,大家剔左呢格嘅話,份certification of award 就會包埋 medium of instruction。

根據塵氏嘅觀察,各大學基本上已經有一個standard format 點寫 Medium of Instruction,有網友表示能夠成功出到封令ECCTIS 信服嘅Medium of Instruction Letter 嘅大學有香港大學、香港理工大學、香港城市大學、香港科技大學、香港嶺南大學、香港樹仁大機及香港都會大學。

有網友表示香港中文大學、香港教育大學及香港浸會大學,大家可以直接放棄。

  • 香港中文大學及香港教育大學只肯寫 mostly taught in English and/or Chinese,唔啱要求
  • 香港浸會大學只肯寫 courses granted exemption,唔啱要求。

香港中文大學大學更新︰搵校務處嘅話,佢地都係只肯寫 mostly taught in English and/or Chinese。但有網友表示試過直接搵自己個 department 出 Medium of Instruction Letter,封信會比較符合要求,最後亦成功申請。另外,有網友亦表示,中大研究生 (master /PhD) 都可以成功申請到令 ECCTIS 信服嘅 MOI Letter

嶺南大學更新︰
– 有網友係2023年初申請,封 MOI Letter 寫 “In general, all courses of the University are taught in English (with the exception of course in Chinese , Translation and additional languages)”,當時呢位網友係成功申請到 Visas and Nationality Services。
– 係2023年6月,有網友表示ECCTIS 要求嶺南出多封信寫邊科唔係英文教 (年初個陣無呢個要求)。而係2023年9月頭,有另一位網友表示,ECCTIS 再無要求嶺南出多封信寫邊科唔係英文教( MOI Letter 內容一樣)。睇黎要唔要嶺南大學方面再出多一封信,都要睇 ECCTIS 處理申請個位 case worker 手鬆定手緊。
– 2024年3月,有網友表示嶺車有一份新版本 MOI,改咗啲 wordkings,新版本應該會 accepted by ECCTIS。

至於其他大學啱唔啱ECCTIS 要求,就要等大家報料喇。

申請費用

係英國境內,申請 Visas and Nationality Services 嘅基本費用係£140 + 20%VAT

如果大家係香港申請,就唔使俾 VAT,£140 就得。

申請步驟

準備好所需文件後,大家就可以按照以下步驟申請
1)首先去以下 ECCTIS 網頁,揀返 Services for individuals開 account :
https://www.ecctis.com/signup.aspx

Visas and Nationality Services
Step 1

2) 輸入個人基本資料

Visas and Nationality Services

3) 去自己個 email box,activate 個 account

4) login account 之後,大家揀 Start your application

Visas and Nationality Services

5) 去 Visa and Nationality service 個欄,撳 Continue to service selection

Step 5

6) 根據自己嘅申請目的去揀 Option 1,2,3, 4, 5,如果用 Degree / Master / Phd 黎證明自己嘅英文程度,咁就揀 option 1就得

Step 6

7) 再入返自己嘅國籍,佢係有 British National Overseas 俾大家揀

Visas and Nationality Services

8) 之後再揀 Immigration Tier/Rotue,呢個好緊要,大家記得揀 Family (including Spouse),ILR and Citizenship,而唔係 Hong Kong British National (Overseas) visa。因為申請 BNO visa 係無對英文程度有任何要求,係申請 ILR 先有要求英文程度要達某一水平。之後撳 Letter of authorisation,輸入申請人嘅全名、證件號碼同簽名。

Visas and Nationality Services
Visas and Nationality Services

9) 再揀大家想幾時處理份認證文件, Standard 就唔使加錢,Total £140+20%VAT,48小時內就要£264+20%VAT,24小時內就加£314+20%VAT。揀好就 Add 相關服務。

Step 9

10) 之後拉到最底撳 Next

Step 10

11) 之後撳Add Qualification

Visas and Nationality Services

12) 入返大家嘅學歷,再撳 Add

Visas and Nationality Services

13) 係 My Qualification list ,check 下有無入錯野,無錯就撳 Next

Visas and Nationality Services

14) 之後揀 Add Documents

Visas and Nationality Services

15) Upload 返畢業證書 / Transcript / Medium of Instruction 係相對應嘅位置。而全部文件有英文嘅話,就可以係 Translation requested 撳 skip,原因寫 All submitted documents are in English 就得。Upload 完就撳 confirm

16) 當你見到 status 有個剔,咁就可以Next

Visas and Nationality Services

17) 入返大家嘅聯絡電話同郵寄地址等資料,同埋Check 清楚自己個名同出世日期有無錯,再撳 Next

Visas and Nationality Services

18) 揀以咩方式收個認證,再撳Next

Visas and Nationality Services

19) 網上俾錢
20) 攪掂~ 等收認證

注意事項

如果大家嘅大學畢業證書係由英國大學所發出,咁大家就唔使申請 Visas and Nationality Services,可以直接用該學歷黎豁免英國申請永居嘅英文試。

總結

同申請 The Statement of Comparability 一樣,塵氏都鼓勵大家係香港就申請咗 Visas and Nationality Services 先,因為可以慳20%VAT,而且又方便同大學申請所需文件。此外,認證無有效日期,係香港整左又唔使驚佢日後加價。關於 ECCTIS 另一個服務 The Statement of Comparability ,大家可以參閱塵氏另一篇文章 – ECCTIS申請攻略 (1) – 移英後如何認證香港學歷??

如果你鍾意塵氏嘅分享嘅話同埋想知道更多移民資訊,歡迎Follow塵氏Facebook 專頁同埋share 比身邊嘅朋友仔啦~

(以上資料只供參考,一切以官方網頁為準)

相關文章:

You may also like

87 comments

Teresa Kong 09/10/2022 - 4:09 下午

請問The Statement of Comparability 同 Visas and Nationality Services 要兩樣都申請嗎? “一雞兩味”嘅意思係咪淨係後者都可以呢?

Reply
塵氏 09/10/2022 - 5:37 下午

如果想唔使考申請永居時嘅英文試兼認證最高學歷,咁申請Visas and Nationality Services 就得。
如果持有master 或以上學歷,想幫埋 degree 做學歷認證,咁就要申請埋The Statement of Comparability。

Reply
Teresa Kong 12/10/2022 - 6:09 下午

Thank you for your reply

Reply
塵氏 12/10/2022 - 6:17 下午

唔使客氣~

Reply
Grace Tsang 09/11/2022 - 2:20 上午

如果早D睇到你個post就好,本人CU,因為hpi簽向CU申請,佢封信堅寫mostly taught in English and/or Chinese…

咁即係代表我要考多次英文試…喊出來

Reply
塵氏 09/11/2022 - 11:35 上午

咁你要多啲留意塵氏 Facebook page 同網頁喇~ 認識塵氏永遠都唔會遲~~
英文試只需考 speaking 同 listening,我相信大家係英國生活左幾年,到時考試就好似平時生活同人傾計咁,一定難唔到大家

Reply
Jess 05/01/2023 - 10:07 上午

Thanks for your information. 1 point I wanna ask: do we need to request our Uni to give that statement before applying? Or our Uni will reply when it received this request from ECCTIS? Great thanks

Reply
塵氏 05/01/2023 - 1:00 下午

Hello, we have to request the Medium of Instruction Letter (usually it is testimonial) from university first. When we apply Visas and Nationality Services, we need to upload the Medium of Instruction Letter.

Reply
PH 08/01/2023 - 11:16 上午

Hello,
我見 7) 話有 British National Overseas可以揀
但 8) 張圖nationailty 揀左Hong Kong
請問申請時揀邊個好呢? 定兩者都無所謂?
Thanks!

Reply
塵氏 08/01/2023 - 1:21 下午

其實無咩所謂,你揀嘅國籍會出現係之後 ECCTIS 發出嘅 cert,大家有 BNO passport 可以揀 British National Overseas,有 HKSAR passport 可以揀 Hong Kong

Reply
Woo 14/02/2023 - 5:53 上午

我想請問我個BSc 係HKU SPACE 同英國大學合辦的TOP UP Degree, 張Certs 係英國大學發出, 咁我仲需唔需要申請The Statement of Comparability 同 Visas and Nationality Services? Thanks!

Reply
塵氏 15/02/2023 - 7:30 下午

基本上唔需要申請

Reply
LEE 24/03/2023 - 3:13 上午

你好, 請問我TOP UP DEGREE 張CERTS. 係愛爾蘭Dublin , 不是英國本土, 需要申請嗎?

Reply
塵氏 25/03/2023 - 8:11 上午

Hello, 由於畢業證書唔係英國大學發出,如果申請永居時唔使考英文試,都要申請 Visa and Nationality Services。如果你有指定英語系國家嘅公民身份,咁就唔使申請都得(詳情可以參閱塵氏另一篇分享 – 英國BNO Visa 申請永久居留權與入籍之英文考試及有關英語能力要求

Reply
May 30/03/2023 - 2:12 下午

Ecctis Visas and nationality 張認證是否要提供英文程度如C1?
如沒有,或只定明UK qualifixation level: Master’s degree 是否有效?

Reply
塵氏 30/03/2023 - 6:11 下午

交齊所需文件(即大學畢業證書 / Transcript / Medium of Instruction Letter)後,ECCTIS 出個張 English Language Proficiency Statement 會寫”The level of English language of the above degree/master course is considered to meet the requirements of CEFR level XX” XX 即係你嘅英文程度,即係C2, C1, B2, B1 等。

Reply
lam 10/04/2023 - 7:24 上午

Hello, 如果我係HK讀VTC – topUp degree from UK, (張Certs 係英國大學發出,但大學轉左名), 目對做梗既行業又吾係完全有linking,想幫埋HK 公開試認證,咁我仲需唔需要一齊 申請The Statement of Comparability 同 Visas and Nationality Services? Thanks!

Reply
塵氏 11/04/2023 - 5:40 下午

你嘅情況,可以只申請The Statement of Comparability

Reply
anson 12/04/2023 - 10:12 上午

你好。Ecctis 網頁 (https://www.ecctis.com/visasandnationality) 寫 Documents needed 的 transcripts 要求是 “Official Transcript(s) in their original language (we cannot accept student versions)”。是否不可以自己 upload 自己 scan 的 transcripts?是否要向大學申請另一份 “Official copy 的 transcripts” 經大學直接寄去 Ecctis 呢??謝謝解答。

Reply
塵氏 12/04/2023 - 1:34 下午

只要份 transcript 係由大學發出,就可以自己 scan,然後直接 upload

Reply
Joyce Lou 17/04/2023 - 2:08 下午

想請問MOI Letter如果大學校務處覆Remarks(如下)屬Standard,不可以改 (已經表明用作申請UK ECCTIS) 是否仍成功申請到呢?
Remarks: English is the medium of instruction and is used for classes, written assignments and examinations unless special approval has been given to a subject due to its specific nature.
請問最近有沒郁有例子是成功申請到Ecctis?

Reply
塵氏 19/04/2023 - 2:54 下午

之前有成功例子,可以用黎申請 Visas and Nationality Services

Reply
QQ 17/04/2023 - 2:18 下午

hello, 如果我degree讀英文, master讀個科係雙語教學,咁我Visas and Nationality Services 就應該用degree apply; The Statement of Comparability 就degree/master都填入去,對嗎?

咁如果專業資格如GIA要唔要認證呢?

Reply
塵氏 19/04/2023 - 3:10 下午

1) Visas and Nationality Services 方面,其實主要都睇大學封Medium of Instruction Letter點寫,因為就算上堂係全英文,但大學只肯寫 mostly taught in English and/or Chinese 嘅話,咁無論 degree 定 master 都唔 ok。相反,如果就算上堂係雙語教學,但大學係肯寫 English is the medium of instruction,咁就可以成功申請到 Visas and Nationality Services,只放 master degree 落個 application 就 ok。

2) The Statement of Comparability 方面,degree 同 master 都一齊填入去 application。

3) The Statement of Comparability 無限制 upload qualifications 嘅數量,但留意,唔係個個 qualification 都可以倣到認證,你有 GIA 嘅話,可以 upload 埋一試。

Reply
K 26/04/2023 - 6:15 上午

Hello,想分享下我申請 Visas and Nationality Services嘅經過,希望幫到大家。
上網見到有人分享大學MOI如果寫明有部份course用其他languages讀嘅話,ECCTIS未必會接受,所以我申請咗個ac,可以login係online問清楚staff再決定做唔做。而ECCTIS嘅職員就官腔地回覆我,話只接受degree係全部用英文讀嘅先可做認證。但上網爬文見到有人MOI Letter寫明有部份course用其他languages讀都成功獲批,但亦有人失敗,咁就諗住搏一搏。最終我係尋日成功認證到,而我嘅transcript係有列明我有讀中文,Chinese History,但ECCTIS都照批,我諗好睇審批嘅職員點處理。
我大概係申請後嘅4-5日左右,就見到status轉為”Yes we can do”,之後再等多一星期左右,就收到成功認證了!

希望我嘅經歷幫到大家:)

Reply
塵氏 26/04/2023 - 6:17 下午

多謝你嘅分享~

Reply
LL 22/05/2023 - 3:23 下午

有關 OU/MU, 最近我返去話想叫佢哋出份testimonial 俾我做medium of instruction, 然後counter妹妹話, 應該係要申請certification of award, 而唔係testimonial , 份form有個格仔,如果剔咗就會喺份certification of award 度註明返個 medium of instruction

附申請表連結

https://www.hkmu.edu.hk/REG/reg_rec/forms/g-cl.pdf

Reply
塵氏 23/05/2023 - 6:05 下午

謝謝你報料,塵氏網頁內容已作出相應更新

Reply
wing 29/05/2023 - 12:05 下午

hello,想問下我2010嘅時候係hi poly Third Class Honours畢業,會唔會因為唔係成績唔太好而唔批或者有其他條件?佢地會唔會睇係咩等級畢業會易批d?thx塵氏

Reply
塵氏 31/05/2023 - 7:44 下午

Hello,以我所知,Honours 等級唔會影響 ECCTIS 嘅批核結果

Reply
wing 29/05/2023 - 12:50 下午

hello塵氏,想請問下畢業係咩hon會唔會有影響,因為我11年理大third hon,之後就出來做野無讀其他啦,英國學制唔太熟,會唔會third hon唔叫大學畢業?

Reply
塵氏 31/05/2023 - 7:48 下午

放心,third hon 都係大學畢業,有畢業證書就得

Reply
Meggy 31/05/2023 - 2:35 下午

您好!感謝申請英語程度認證教學,非常詳盡有用。想問假如認證是用作 ILR / Citizenship 的話,申請 e statement 是否已經足夠,還是必須 hardcopy?謝謝。

Reply
塵氏 31/05/2023 - 8:06 下午

多謝你嘅支持!
用途上,paper 同 e-statement 都係一樣。但留意,e-statement 要係發出後三個月內 download,如果過左三個月,每次 download 都要額外再俾錢。

Reply
AGWKH 05/06/2023 - 10:38 下午

我bachelor degree係CU讀英文, 但封信寫左English and/or Chinese, 廢既 (可能因為部分課程尤其係書院果啲係中文上既) 但master都係CU讀, 佢就寫English, 先至有用

Reply
塵氏 06/06/2023 - 7:51 下午

係呀,所以封 MOI 點寫係好重要

Reply
Ian 07/07/2023 - 5:19 上午

您好!感謝你的詳細資訊,但有個問題想確定下。我是polyu畢業的,但在上面poly的連結中,Testimonial的樣版中是沒有「Medium of Instruction」的,反而畢業時的Transcript和poly的Transcript樣版內有「Medium of Instruction」這一項(內容是:Unless given special approval due to the nature of subject, English is used for classes, written assignments and examinations.)。所以,我想問清楚下,在這個情況下,Medium of Instruction Letter應該是要Testimonial,還是Transcript?還是像上面OU/MU所說有其他文件?

Reply
塵氏 09/07/2023 - 10:54 上午

Hello,雖然 transcript 有寫 Medium of Instruction,但 ECCTIS 官網講明 transcript 唔可以用黎做 Medium of Instruction letter

https://www.ecctis.com/Qualifications/FAQ.aspx
Q7
We cannot accept a reference to the language of instruction on your transcripts or final certificate. The confirmation of the language of instruction must be on a separate document from your final certificate and transcripts.

Poly 方面,你可以係 AR4a – part III. Recipient Information 入面嘅 remarks 寫”For certifying the medium of instruction of the University. Please mention “English is the medium of instruction and assessment at the University” on the testimonial. “

Reply
SiuSN 13/07/2023 - 2:37 下午

Hi, will the Visas and Nationality Services expire? Or once we get it, it is valid forever? Thank you.

Reply
塵氏 15/07/2023 - 1:28 下午

Visas and Nationality Services 無 expiry period 的

Reply
Jfcy53 14/07/2023 - 12:09 下午

想請問我個係HKU SPACE 同澳洲大學合辦的TOP UP Degree, 大學畢業證書由澳洲大學發出, 我只有 Degree Certs and Academic Transcript 我仲需唔需要申請 The Statement of Comparability OR Medium of Instruction Letter? 同埋要 Visas and Nationality Services? Thanks!

Reply
塵氏 15/07/2023 - 1:50 下午

1) The Statement of Comparability – 因為唔係英國學歷,如果想將澳洲學歷對應返英國學歷嘅話,都要申請 The Statement of Comparability;
2) Visas and Nationality Services – 如果你持有澳洲公民身份,咁就可以唔申請Visas and Nationality Services 嘅情況下,輍免申請英國永居時嘅英文試。如果只持有澳洲大學畢業證書,都要透過申請 Visas and Nationality Services,以輍免申請英國永居時嘅英文試,而申請過程,都要提供 Medium of Instruction Letter

Reply
塵氏 19/07/2023 - 6:15 下午

少少更正,澳洲大學畢業嘅話,申請 Visas and Nationality Services 應該唔需要提供 Medium of Instruction Letter

Reply
KK 07/08/2023 - 10:09 上午

Hello塵氏,我4月份申請既Ling U Testimonial寫住”In general, all course of the University are taught in English.”
想問下根據以往申請經驗,係咪已經OK?可以apply 到ecctis?“In general” 呢個字應該冇影響?因為上文話香港嶺南大學係成功出到封令ECCTIS 信服嘅Medium of Instruction Letter。

Reply
塵氏 12/08/2023 - 9:59 上午

Hello,有嶺南大學畢業嘅網友係今年年初申請,封 MOI Letter 都有寫呢句 remarks,remarks後面仲有句 “(with the exception of course in Chinese , Translation and additional languages)”,當時呢位網友係成功申請到 Visas and Nationality Services。
最近,聽聞 ECCTIS 要求嶺南出多封信寫邊科唔係英文教 (一月個陣無呢個要求),由於係最近發生,暫時未知申請結果。

Reply
KL 08/08/2023 - 10:45 上午

Hello,我之前向lingu申請testimonial/MOI letter,封信remark寫左”In general, all courses of the University are taught in English”,想問呢句會唔會被reject?

因我見ECCTIS申請時個網有寫住要solely taught in English,而塵氏你既文章有提到lingu有成功apply到。謝謝

Reply
塵氏 12/08/2023 - 9:54 上午

Hello,有嶺南大學畢業嘅網友係今年年初申請,封 MOI Letter 都有寫呢句 remarks,remarks後面仲有句 “(with the exception of course in Chinese , Translation and additional languages)”,當時呢位網友係成功申請到 Visas and Nationality Services。
最近,聽聞 ECCTIS 要求嶺南出多封信寫邊科唔係英文教 (一月個陣無呢個要求),由於係最近發生,暫時未知申請結果。

Reply
Chris 09/08/2023 - 10:58 上午

內容好實用! 請問Visas and Nationality Services申請成功後, 該文件有沒有有效期呢? 謝謝

Reply
塵氏 12/08/2023 - 9:47 上午

多謝你嘅支持!
Visas and Nationality Services 張 statement 係無 expiry period。

Reply
Sam 07/09/2023 - 12:08 下午

Hello,Visas and Nationality Services既transcript唔接受student version,而中大俾學生既transcript都有student version既chop,係咪即係唔用得?謝謝

Reply
塵氏 09/09/2023 - 10:26 上午

我都覺得就算右上角寫 “Student Copy”,但 transcript 有大學個 chop,都可以 upload 咗先,值得試咗先。如果唔受,最多之後問中大申請過一張 transcript。
反而,我 concern Medium of Instruction Letter (“MOI”) 多啲,因為要中大出到一封令 ECCTIS 信服嘅 MOI,過程比較繁複。

Reply
VW 02/10/2023 - 11:33 上午

請問中大同自己department 申請MOI的做法有沒有更多多資料?謝謝!

Reply
塵氏 07/10/2023 - 10:36 上午

有人直接搵 department,叫佢地幫手出 MOI 信,證明自己讀個科係全英文教,但唔係個個 department 都肯

Reply
Katniss 23/10/2023 - 6:47 下午

請問我係CityU同英國大學合辦的TOP UP Degree, 我係咪只仲需申請 The Statement of Comparability ?

Reply
塵氏 24/10/2023 - 6:27 下午

如果你張大學畢業證書係由英國大學發出,即係張證書基本上同英國本地生無分別,咁就可以直接轄免英文試,甚至乎 The Statement of Comparability 都唔使做,因為無野好認證。

Reply
Sharon 14/11/2023 - 10:22 上午

請問如果有畢業證書係由英國大學所發出,可以唔使申請 Visas and Nationality Services ,但係咪都係喺ecctis 個網度申請豁免英文試? 謝謝

Reply
塵氏 14/11/2023 - 5:48 下午

唔使經 ECCTICS,申請永居時直接 upload 畢業證書就得。

Reply
Yeung 28/11/2023 - 12:02 上午

謝謝你的資訊。
請問若是在多倫多大學畢業,是經濟系,也需要MOI?
另外再有一個碩士學位,是香港與加拿大大學合辦的神學課程master of divinity ,也需要MOI?

Reply
塵氏 28/11/2023 - 6:02 下午

其實 Visa and Nationality 會做兩樣野,分別係Academic Qualification Level Statement (AQUALS) 同 English Language Proficiency Statement (ELPS)。如果個 degree 由指定英文為主要言語(English majority)嘅國家發出,咁就只需做 AQUALS (不需 MOI);唔係嘅話,咁Visa and Nationality 就會同時做AQUALS 同 ELPS (需要 MOI)。

加拿大係一個比較特別嘅國家,加拿大大學係UKVI 眼中唔係 English majority,所以ECCTIS 會同時做 AQUALS 同 ELPS,簡單啲講,即係加拿大大學係需要MOI。但特別嘅係,加拿大公民係申請英國永居時,係唔需要證明英文程度達 B1。詳情可參閱此官方文件 – page 19。所以,除非閣下係加拿大公民,唔係嘅話,閣下嘅多倫多大學degree係需要 MOI。

而香港與加拿大大學合辦嘅神學碩士學位,亦都係一樣,需要向辦學機構申請 MOI。

Reply
TaTa 05/01/2024 - 12:33 上午

你好,請問知唔知道如果有 HK Polyu 出既有 testimonial 同 MOI 用全英語教授信,但我只係得 Diploma 學歷係咪已經唔乎合資格,定抑或都可以搏一搏試下呢?

先謝謝你

Reply
塵氏 05/01/2024 - 10:44 上午

Hello,Visas and Nationality Service 一定要 degree 或以上學歷先可以申請。

Reply
OMG 19/01/2024 - 2:22 上午

其實得Diploma之類既非學位,係咪認證來都多餘

Reply
塵氏 20/01/2024 - 11:05 上午

Hello,相信你講緊 The Statement of Comparability。其實都係睇個人需要,有人覺得都係幾十鎊啫,認證後用黎看門口都好,亦有人覺得,如果有需要,到時再做都得。

Reply
SC 22/01/2024 - 1:57 下午

想問,我有 BNO 但之前申請 visa 係用特區護照,而手上嘅 BRP nationality 係寫 HKG 的,咁 nationality 係應該填 BNO 定 Hong Kong ?謝謝!

Reply
塵氏 23/01/2024 - 7:35 上午

Hello,我會保持係個一致性,填 Hong Kong。

Reply
OC 27/01/2024 - 10:27 上午

你好, 想問, 我畢業證書係OU, 但而家轉左名做MU, 而份medium of instruction letter都係show MU, 請問係咪都ok?
謝謝!

Reply
塵氏 27/01/2024 - 11:25 上午

Hello,都 ok 無問題。前人試過申請個陣同 ECCTIS 講明 OU 改咗名做MU,俾埋相關嘅新聞報導 link,成功獲批。

Reply
WL 01/03/2024 - 3:24 下午

你好! 想問, 我剛剛收到了 Visas and Nationality Service 的認證文件, 內文的 UK qualification level 只有 Bachelor degree, 是否已經可以豁免英國永居英文試? 我見有些會寫埋 “The level of English language…..” 謝謝!

Reply
塵氏 01/03/2024 - 8:22 下午

Hello,請問你係唔係英語系國家/地區嘅大學畢業,例如澳洲、美國、加拿大等,係嘅話,你只收到一張 statement 係啱,因為ECCTIS 只會發出Academic Qualification Level Statement (“AQLS”),原因係Home Office 表明呢類國家畢業嘅大學生提供大學畢業證書同 AQLS 就可以證明英文程度 (https://www.gov.uk/english-language/degrees-in-english)。如果唔係英語系國家/乎區嘅大學畢業,例如香港,咁就要提供埋 English Language Proficiency Statement (“ELPS”),所以 ECCTIS 同會發出 AQLS 同 ELPS (共兩張 statement)俾香港嘅大學畢業生。

Reply
WL 02/03/2024 - 2:12 下午

感謝你的回覆, 係呀! 是澳洲大學畢業證書, 只是係200x年畢業..

Reply
Violet 19/03/2024 - 1:47 上午

我想更正返你個CITYU LINK, 你指住係俾Master Programmes畢業生生申請的研究生院, 如果係Bachelor’s Degree畢業的, 應該搵教務處, 網址係https://www.cityu.edu.hk/arro/scrv/scrv_main.htm. 我想問係咪有人成功用Testimonial申請而唔係一封信? 因為CityU 的Testimonial係無人簽名的。

Reply
塵氏 19/03/2024 - 6:43 上午

Hello,謝謝你,條 link 已更正。City 張Testimonial ok 呀,前人都好順利申請到 ECCTIS Visa and Nationality Services。

Reply
Violet 19/03/2024 - 7:06 上午

Thank you.

Reply
Pui Pui 27/03/2024 - 12:32 上午

你好,如果係香港讀由英國辦的master,證書由英國大學發出,

請問The Statement of Comparability 同 Visas and Nationality Services 兩樣都唔需要申請嗎?

Reply
塵氏 27/03/2024 - 6:32 上午

如果張證書同係英國讀該大學所發出嘅證書一樣(可以上 google 圖片search),基本上你可以唁使申請。

FIRE 21/03/2024 - 6:07 上午

塵氏你好,
1. Testimonial 入面的英文名字,First name & Last name 次序有無影響?
2. 扒上文見到你答儘量保持一致性,visa和ECCTIS 用同一國藉和証件申請。咁Testimonial 入面的identity number,用HKID有無所謂?唔係好想send BNO copy 証明俾學校…

Reply
塵氏 21/03/2024 - 6:37 上午

Hello
1) 暫時未聽過有人因為 testimonial 個 first name & last name 次序而對申請有影響
2) Testimonial 用 HKID 無問題,好多人都係用 HKID

Reply
Kira 02/04/2024 - 1:39 下午

CityU transcript has a hidden watermark “Copy”, do I have to use iphone to take photo instead of scanner?

I have both bachelor and master in CityU, but the Testimonial is only avaiable for bachelor or research degree, master does not have Testimonial, in that case should I just apply using the bachelor?

Reply
塵氏 02/04/2024 - 7:35 下午

前人照用 scanned image,未聽過有問題。另外,master 嘅話,CityU 都有出 testimonial,你可以問返校務處點申請,又或是睇睇呢條 link 啱唔啱使- https://www.cityu.edu.hk/sgs/student/TPg/service/testimonial

Reply
KiLam 10/04/2024 - 1:54 下午

吾好意思呀,我係cuscs商科 – top up degree畢業(香港讀),同澳洲大學掛鉤,所有科目用英教,cert係澳洲大學頒布,寫明”teaught in English”, 咁需吾需要另外要求medium of instruction letter?thank you.

Reply
塵氏 10/04/2024 - 6:04 下午

澳洲大學畢業,唔使 Medium of Instruction letter

Reply
jeff 30/04/2024 - 9:56 上午

想問問,係咪如果放假先返香港申請,就唔使俾 VAT?

Reply
塵氏 30/04/2024 - 3:16 下午

香港申請,唔使俾 VAT。

Reply
Amber 09/05/2024 - 5:22 下午

你好,請問我係香港讀VTC同英國大學合辨的Top up degree ,張証書係英國大學發出,頭先上網check 到大學轉咗名,咁我係咪要上返大學網上做認證?申請 The statement of comparability ?thanks.

Reply
塵氏 09/05/2024 - 6:08 下午

有前人係香港讀咗同英國大學合辦嘅 degree 課程,試過用張畢業證書申請 Visas and Nationality 及 The Statement of Comparability,但 ECCTIS 直接拒絕申請,因為張畢業證書已經係英國大學發出,ECCTIS 無野好認證。For your reference only,有人話到申請永居時,upload 埋大學轉名嘅資料,例如新聞報導/學校官網 statement,但暫時未見有實例,或者你可以 send email 問問 Home Office 英國大學轉咗名嘅話,到時申請永居可以點做。

Reply
Yuki 10/05/2024 - 12:51 上午

你好, 我係ou讀top up degree,部分學分因之前的high diploma 而豁免了。那申請ECCTIS的Visas and Nationality Service時,要唔要upload 埋之前high diploma的transcript ?

Thank you.

Reply
塵氏 10/05/2024 - 6:22 上午

Hello,應該唔使都得,如果要補文件,ECCTIS 之後會聯絡返申請人,到時再補返都得。

Reply

Leave a Comment