喺移民前有好多大佬要打，其中一樣就係申請Transfer of Residency (TOR)。無論搵船公司 book 一個貨櫃黎寄家檔，定係經香港郵政一兩箱咁寄，事前都一樣係要申請TOR。咁其實 TOR 係乜東東? 大家睇完呢篇文章應該會對佢有更加深入嘅了解。
內容目錄
TOR 簡介
TOR 全名係Transfer of Residency，申請後，物品入口英國就可以唔收入境關稅及增值稅。TOR 有效期為一年。 大家可以透過TOR運送到英國嘅用品可以包括家居用品、個人用品、傢俱陳設、 單車、電單車、私家車、家庭與日用品、寵物、工作需要嘅手提儀器等等。無論你係經船公司或者經香港郵政寄家當，以免俾英國海關徵收稅款，都係要申請TOR (英國脫歐後，如果由歐盟國家移居去北愛爾蘭，無需申請TOR)，咁你又知唔知唔申請有可能要交咩稅項呢?
物品進入英國會徵收嘅稅項
香港係一個無關稅嘅城市，任何物品都可以以零關稅進出香港，但英國就同香港好唔同，物品進入英國除左要俾入境關稅 (Customs Duty)，仲要俾多一項增值稅 (Value Added Tax – VAT)。
入境關稅
任何物品由海外進入英國，而物品價值高過某個價值(現時為£135)，收貨人都要向英國政府繳付入境關稅。稅率如下：
| 物品種類及價值 | 稅率 |
| 非消費稅物品(消費稅物即酒精/煙草產品/能源)價值£135或以下 | 零關稅 |
| 禮物價值£135至 £630 | 一般都係2.5% ，有某幾種物品會低過2.5%，可向英國海關查詢詳情 |
| 禮物價值£630 以上或其他物品價值£135以上 | 關稅取決於貨物的類型和來源，可向英國海關查詢詳情 |
增值稅
除價值£39或以下嘅禮物外，任何物品由英國境外進口入英國或由英國境外及歐盟地區進入北愛爾蘭都要繳付增值稅。收貨人要係收貨前向送貨公司支付增值稅，增值稅會按物品嘅總價值 (包括物品嘅價值、郵資、包裝和保險) 收取。
現時英國大部分物品嘅增值稅為20%，某D 物品例如兒童汽車座椅嘅增值稅為5%，而大部分食物及童裝就零增值稅。
大家要留意，入境關稅同增值稅兩者都係獨立計算。詳情可以參閱以下網頁︰
https://www.gov.uk/goods-sent-from-abroad/tax-and-duty
申請資格
必須符合以下資格︰
- 係英國境外居住至少 12 個月
- 物品係自用性質，而且喺入口英國前計最少擁有六個月（呢個限制唔包括到英國讀書嘅全日制學生同埋以結婚原因而入口嘅物品）
- 申請人抵達英國後嘅12 個月內，物品必須入境英國
- 物品入境英國後嘅12 個月內，任何獲得轄免稅項嘅物品唔可以出讓、借出、出租或轉贈給俾其他人
- 酒精飲品、香煙、香煙產品、用作商業用嘅交通工具、工作需要的非便攜式儀器等等不能申請
如何申請
申請非常方便，大家按照以下步驟就可以完成申請。
準備申請前文件
申請時必須要有以下文件
- Passport 相片及簽名頁
- 六個月內嘅香港英文地址證明
- 三個月內嘅英國英文地址證明 (酒店或 Airbnb嘅英文預訂證明都可以 )
- 進入英國境內嘅物品 packing list
- 如運送寵物，須有寵物健康證明或護照代碼 (寵物出發地為Channel Islands or或Isle of Man 除外)
- 如運送汽車，須提供生產年份、牌子、型號、車輛識別號碼、車牌號碼、車牌發出日期、車輛購買日期
網上填寫申請表
大家準備好以上文件，只係需要喺網上根據指示填寫表格，上載有關證明文件，再喺提交就可以。
網址如下：
TOR 一般處理時間
英國官方指處理 TOR 要15個工作天， 而塵氏親身經歷就只係用咗12個工作天就完成。
如果大家想了解更多，可以參考返英國政府網址：
https://www.gov.uk/guidance/application-for-transfer-of-residence-relief-tor1https://www.gov.uk/guidance/application-for-transfer-of-residence-relief-tor1
總結
申請TOR可以話係移民英國運送家檔前必要做嘅野，如果大家想要packing list 參考，可以Follow塵氏Facebook 專頁，直接inbox塵氏。
如果你鍾意塵氏嘅分享同埋想知道更多移民資訊嘅話，歡迎Follow塵氏Facebook 專頁同埋share 我地嘅文章比身邊嘅朋友仔啦~
17 comments
你好！想問申請船運TOR 時可否連同寵物（狗）TOR 一齊申請？但寵物（狗）TOR 需有健康證明或護照代碼才可申請，但此文件應離境前5天才會辦理… 所以申請時需注意及需怎樣填寫？或是寵物健康證明或護照代碼可補？問題有待多；不好意思！
Hello，TOR 可以連同寵物一齊申請，Health Certificate 方面，有前人分享可以後補。關於填表，For your reference，Youtube 有個寵物 TOR step by step 教學，https://www.youtube.com/watch?v=LfUcbpVyc1E。
Thank you , 睇完如果有唔了解嘅步驟再麻煩你
Hello, 有啲急…想問後補狗嘅animal health cert 嘅時候，係咪唔使再 ✓ 家當部份？
正如之前 share 嘅 youtube 片，申請人封 TOR approval letter 應該有寫 “Your dogs are not included without the Animal Health Certificate/Passport, please email xxxxx”，張後補嘅animal health cert 應該經 email 提交。
Noted. 我有email 亦都有喺TOR website upload. 只係upload 嘅時候，有啲唔肯定答得啱唔啱，之前條片應該係簡易舨。Anyway, 唔該你呀！
您好呀, 想請問:
是否申請果時有幾多報幾多, 有左NUMBER之後仲要唔要做LIST?
家居用品 / 個人用品包唔包洗頭水護膚品同成藥?
海運有無咩限制? 聽人講食物唔可以, 但海味又可以…, 有D亂
我都有貓, 但未決定 in cargo 定跟身, 又怕申請 ToR 難填
剛剛批, 好多問題, 唔好意思… 感謝
Hello，批出 TOR 有咗 number後，如有需要可以加野。如果你搵船公司運家檔，船公司應該會問你攞 packinig list。以我所知，係香港，藥係受管制物品，需要 licence 先可以出口，詳情請問返相關嘅香港政府部門。關於物品進口英國嘅限制，可以參閱官網。Many thanks.
你好呀塵氏～
唔好意思呀，我有點confusing, 想問清楚啲時間點
我係7月申請到BNO visa 的，但就9月尾先入境英國。但我的家檔就打算租到樓，明年先安排送過來。我有幾個問題想問：
1. 請問所謂有一年免徵收入境關稅及增值稅係由什麼時候開始計算？
2. 我係應該現在就申請TOR, 還是明年要送家當才申請呢？
3. 我入境時所隨身攜帶我貴重物品例如 notebook, iPad, 相機等，需要出示 TOR處理免關稅問題嗎？
謝謝你
Hello
1) 申請 TOR 時，系統會問你邊日到英國，會由嗰一日開始計一年
2) 可以到咗英國，係正式運家當之前先申請 TOR
3) 搭飛機時入境嘅隨物物品，一般都唔使申請 TOR
多謝塵氏的回覆
我還有一個疑難想問想請教一下
因為之前有一段時間在台中讀書，所以自己的家當一直都留在台中儲倉（因為台灣存倉平過香港好多！）我申請BNO visa 時並沒有提及住過台灣嘅嘢（因為離開超過半年無得豁免TB test所以無需要提），咁現在我個人由香港出發但係家當就由台灣寄船運過英國，會唔會有問題㗎？有什麼我需要留意甜？我申請TOR時，應該係提交我香港的住址證明定係台中的住址證明？
謝謝你
呢個情況未見過，建議問返 HMRC 比較穩妥 – 聯絡方法。
嗯… 我都知情況特殊啲…
收到～ 我直接去問下。謝謝你呀！：）
你好，首先多謝你們一直以來的資訊。 本人是bno visa 主申請人,兒子是dependent, 我們成功在２０２４年５月批出簽證. 而兒子在７月滿１８歲。我們在８月以 bno visa 身份入境英國，住在 airbnb，本人只逗留了大約一個半月作遊遊及體驗，剛回港再籌劃賣出港樓及買入英國樓的事宜，計劃明年２０２５年正式落腳英國。而兒子因會在英國升大學，所以現在是繼續留在英國沒回港的。想請教以下：
１）如想申請 TOR1 寄物件給亞仔先，可以嗎？可以用亞仔個人申請嗎？他８月已到埗，是否要提供 ３月至８月的六個月內嘅香港英文地址證明？但他未必有齊以他名下的地址證明，那有甚麼其他途徑？ 英國地址是用宿舍地址便可， 對嗎?
２）因我有大約在８月至１０月來過英國旅遊，即８月以bno visa入境，１０月回港。我是否要在明年８月前辦好 TOR1 才可？即”１年內”？還是以我”正式開始定居日子”才計”１年內”？如在”1年內”申請 TOR1時 , 想問問我應怎樣答
（ａ） “Have you lived outside the UK for at least 12 consecutive months?”，是否以今年８月前去計？ 定還是”正式開始定居日子”去計？
（ｂ）”Are you living already living in UK?”就答”No”?
（ｃ）”What date will you move to UK?”, 就答計劃定居的開始日？
不好意思，太多問題，請體諒，打擾了，謝謝。
由於我地係一齊 Facebook messenger 討論過有關問題，所以不再重覆答了。
請問一下我7月1號先運家當到英國住所，然後下年3月才到步，這樣申請不到tor 嗎？
應該唔 ok，因為官網寫明其中一個條件係 “you’re importing the goods within 12 months of coming to live in the UK“