BNO visa 開始已經超過一年，相信有好多家庭喺英國settle down 之後，都開始計劃喺英國實行造人大計~ 咁究竟BNO visa 持有人喺英國出世嘅 BB， 係咪就會自動獲得英籍？睇完呢篇文章，大家就會搵到答案。
屬地主義
開始之前，先同大家講講「屬地主義」，不論父母係乜野國籍，只要子女係該國領土內出生，就自己獲得該國國籍，呢種制度就稱為「屬地主義」。行呢種制度嘅國家有美國、加拿大、巴西及阿根廷等，但當中就無英國份。
英國出世子女之國籍
其實喺英國，BB 係咩國籍，係取決出生時父母其中一方有無 Indefinite Leave to Remain 永久居留（“ILR”） 或者 BC。根據 Section 1(1) of the British Nationality Act 1981，如果父母已經係擁有 ILR 或者 BC身份，而仔女係英國出世，佢地可以自動取得英籍。
咁如果子女係父母未擁有ILR 或 BC 時喺英國出世，咁子女係咩身份呢? 一般BNO visa 嘅持有人都擁有中國國籍。根據《中華人民共和國國籍法》第五條：“父母雙方或一方為中國公民，本人出生於外國，具有中國國籍；但父母雙方或一方為中國公民並定居在外國，本人出生時即具有外國國籍的，不具有中國國籍”。所以，父母喺未擁有ILR 或 BC 時出生嘅子女就算係英國出世，都唔會即時有英籍，反而因為父母嘅中國公民身份而自動成為中國籍。
另外，根據入境處對香港法例第115章《入境條例》附表1第2(c)段之闡釋：中國公民在香港以外所生的中國籍子女，如在該子女出生時，該中國籍父母是在香港出生的中國公民或通常居住在香港連續七年或以上的中國公民，則該子女享有香港居留權。 然而，一名在香港出生的中國公民或通常居住在香港連續七年或以上的中國公民，其在外國所生的子女有沒有香港居留權，要視乎該子女在出生時是否具有中國國籍。
總結
綜合以上兩點，喺父母其中一方未取得ILR 或BC 嘅情況下，佢地嘅子女仍然係中國籍香港居民。
另外，值得一提，BNO Visa 持有人要幫 BB 喺英國拎出世紙同申請BNO Visa，唔申請 visa 嘅話，BB 係三個月大後係唔可以享用免費 NHS 服務(緊急服務除外)。另外，BB 入籍前想帶佢離開英國，去下旅行，呢個情況下，為咗 BB 可以重回英國，父母都要為BB 申請 visa。而根據 Section 1(3) of the British Nationality Act 1981，未成年而又係英國出生嘅子女，可以係父母其中一方獲得 ILR 或 BC身份後，註冊成為英國公民，唔需要經歷 ILR 嘅階段。換言之，英國出世嘅子女可以爬父母頭，快過父母攞到 BC。
如大家想了解 ILR 同 BC 係權力上嘅分別，大家可以參閱塵氏嘅分享 – 6大英國永久居留 (ILR) 及入籍 (citizen)權利上的分別。
開心分享
如果你鍾意塵氏嘅分享嘅話同埋想知道更多移民資訊，歡迎Follow塵氏Facebook 專頁同埋share 比身邊嘅朋友仔啦~
（以上資料只供參考，一切以官方網頁為準）
