是咁的，TV Licence 呢家野，相信曾幾何時都困擾過唔少移英港人，有人話好簡單咋嗎，有用有睇俾錢，無用無睇唔使俾錢，完。之但係呢個說法同你以前讀書嗰陣踢波，有個同學出嚟扮晒教練，然後同大家講，等陣場波好簡單，有波就攻，無波就守一9樣… 咁到底何謂有用有睇，無用無睇先? 現今世代資訊發達，娛樂方式日新月異，有BBC iPlayer、藍色 Viu、Netflix、Disney+、YouTube Live及Twitch等，其實睇邊類要俾，邊類唔使先? 今日塵生就同大家嚟個認真詳談。
是咁的，香港人對新樓一向情有獨鍾，所以好多香港人黎到英國都傾向買 new build ，因為新屋嘅EPC 較高，間屋嘅保暖比舊屋好，而且唔使點裝修，有部分仲包電器，基本上買少少傢俬就住。另外，最重要嘅係新屋有十年英國國家房屋建築委員會National House-Building Council (“NHBC”) 提供嘅保養，簡稱 Buildmark，如果間屋有咩問題都唔使驚，但其實呢十年保又係咪想像中咁正呢？塵氏就想同大家一齊研究研究。
暑假正式開始，除咗會係一個 BNO Visa 嘅申請高峰期，亦都係已到埗英國嘅家庭，一家大細外遊嘅日子。塵氏喺好耐之前分享過如何計算BNO Visa 離境日數，有好多人都表示有無啲比較簡單啲嘅方法計算到自己離境日數有無超標，有見及此，塵氏就整咗個BNO Visa 離境日數計數機俾大家參考。
是咁的，踏入2023年7月，英國嘅 Energy Price 終於回落，以 Standard Variable Tariff 計，電嘅 unit rate 由約 32.36p 減到約 29.26p，Gas 嘅 unit rate 由約 10.24p 減到約 7.44p，呢個總算喺係持續通脹大環境下嘅好消息。除咗英國Energy Price 回落，7月1日亦係電力公司 Octopus Energy (“OE”) 正式重推 Tracker Tariff (“Tracker”) 嘅大日子，喺waiting list 嘅用戶，7月1日起就可以陸續加入呢個 tariff，喺Tracker 計劃下，大部分日子電嘅unit price 低過 20p，Gas 就低過5p。而 OE 另一個能源計劃 Agile Tariff (“Agile”) 亦係7月1日再度出現負數 unit price，即係大家用電唔單止唔使俾錢，OE 仲會俾返錢你。呢兩個Tariff 一時間成為各大移英谷嘅焦點，咁究竟兩者有咩分別呢? 邊個 tariff 較好? 今日塵氏就同大家一齊研究研究。
之前塵氏介紹過乜野係 P45、P60 同 Starter Checklist，今日塵氏想介紹另一份 HMRC 表格 – P11D，呢份表格唔係人人都會收到，但都希望大家睇完呢篇文章，會對佢有所了解，咁當有一日大家收到嘅時候，都知佢係乜東東。
是咁的，之前塵生簡單介紹過乜野係 P45 同 P60，今日塵生就想介紹下以PAYE 形式出糧嘅話，另一份重要文件：Starter Checklist。呢份文件會影響大家返新工初期嘅 tax code，繼而影響大家會交幾多稅，睇完呢篇分享，大家就會對份 checklist 有多啲了解，知道應該點填。