10.1K
暑假正式開始，除咗會係一個 BNO Visa 嘅申請高峰期，亦都係已到埗英國嘅家庭，一家大細外遊嘅日子。塵氏喺好耐之前分享過如何計算BNO Visa 離境日數，有好多人都表示有無啲比較簡單啲嘅方法計算到自己離境日數有無超標，有見及此，塵氏就整咗個BNO Visa 離境日數計數機俾大家參考。
離境日數溫故知新
喺度都想同大家簡單重溫一下，離境日數係點計:
- 全日24小時都唔喺英國先計離境一日
- 要成功申請永居，五年內任何連續365日 (五年內會有過千個日子組合)，離開英國嘅日數都唔可以超過180日
- 要成功申請入籍，申請入籍前五年，總離英國唔可以超過450日，另外，申請入籍前一年唔可以離英超過90日
如何使用離境日數計數機?
使用方法好簡單，步驟如下:
A. 喺英國境外申請 BNO Visa
1) 大家喺第一行 “離開英國日期” 一欄，輸入 BNO Visa 批出日期 (留意日期格式為 月/日/年)。然後喺”返回英國日期”一欄，輸入到達英國日期 (留意日期格式為 月/日/年)
2) 輸入大家其他離開英國嘅日期及其返回英國嘅日期
B. 喺英國境內申請 BNO Visa
– 就咁輸入大家離開英國嘅日期及其返回英國嘅日期就得
如果”任何 12 個月內最長的總缺席日數” 顯示為紅色，即代表離開日數太多，唔符合申請永居資格。如果”總缺席日數” 顯示為紅色，即代表離開日數太多，唔符合申請入籍資格。
總結
以上計數機希望幫到大家去計劃離境入境嘅安排。以上所有內容只供參考之用，如有任何計算上之錯誤，塵氏並不負責。如有需要，請諮詢法律顧問。
開心分享
如果你鍾意塵氏嘅分享嘅話同埋想知道更多移民資訊，歡迎Follow塵氏Facebook 專頁同埋share 比身邊嘅朋友仔啦~
（以上資料只供參考，一切以官方網頁為準）
